ЭЛЧИН САЙД Б.ДОРЖ БНПУ-ЫН ҮНДСЭН ХУУЛИЙН ЦЭЦИЙН ДАРГА Ю.ПШИЛЭМБСКАТАЙ УУЛЗАВ

БНПУ-ын Үндсэн хуулийн цэцийн дарга Юлия Пшилэмбскатай Монгол Улсаас БНПУ-д суугаа Онц бөгөөд Бүрэн эрхт Элчин сайд Бархасын Дорж 2021 оны 3 дугаар сарын 11-нд уулзав.

Хоёр улс хууль эрх зүйн салбарт 1990-ээд оны эхнээс хамтран ажиллаж, харилцан туршлага судалж ирсэн, манай хоёр улсын төрийн болон хууль эрхийн тогтолцоо, тэдгээрийн үйл ажиллагаа,учирч байгаа асуудлуудад ижил төстэй талууд байгааг тэмдэглэж,холбогдох байгууллагуудын хоорондын,  тухайлбал Үндсэн хуулийн цэцүүдийн харилцаа, хамтын ажиллагааг сэргээн идэвхжүүлэхийг зорьж байгаагаа Элчин сайд Б.Дорж илэрхийлэв.

БНПУ-ын Үндсэн хуулийн цэцийн дарга Юлия Пшилэмбска өөрийн байгууллага, түүний үйл ажиллагаа, гадаад харилцааны байдлыгтанилцуулж, Монголын талтай хамтран ажиллах хүсэл эрмэлзэлтэй байгаагаа  илэрхийлэв.

Хоёр улсын Үндсэн хуулийн цэцүүдийн хооронд хамтын ажиллагааны баримт бичиг байгуулах, хамтарсан лекц, семинар хийх, ном, хэвлэл гаргах, материал солилцох,   хоёр улс хамтран Азийн чиглэлийн гуравдагч улсад туршлагаа хуваалцах зэрэг боломжууд байж болох талаар санал солилцож, тодорхой зарим ажлуудыг эхлүүлэхээр тохиролцов.